Vestkystcup 2026

VELKOMMEN TIL VESTKYSTCUP 2026:

2. OKTOBER - 4. OKTOBER

Velkomen til turneringa der lag blir bygde.
Kjend for sin gode mat, der overnatting og speleflater er vegg i vegg, og fleire morosame aktivitetar gjennom heile helga.
Dette vil du ikkje gå glipp av!

Ei unik moglegheit til å reise på cup med laget, der samhald, gode minne og opplevingar står i fokus!

For jenter og gutar 9-16 år og TH-lag.

PÅMELDING: https://www.profixio.com/app/vestkystcup-2026

KONTAKT – BASIS INFO

Påmeldingsfrist er 11. september 2026.
Frist for registrering av spelarar er 11. september 2026.
All kommunikasjon skal foregå i Profixio etter at laget er påmeldt – spørsmål på forhånd kan sendes til vkc@florohandball.no eller til Elisabeth Nygaard tlf: 959 66 535.

PÅMELDINGSAVGIFT

kr 1 500,- per lag

* Alle gutelag får gratis påmeldingsavgift.
**Kvart tredje jentelag frå same klubb får gratis påmeldingsavgift.

DELTAKERKORT

A-kort (1500,-) To overnattingar, kveldsmat fredag, frukost og middag laurdag, frukost og lunsj sundag, underhaldning laurdag og buss mellom overnattingstader og hallar. T-skjorte og medalje til 9 – 12 år, og t-skjorte og digitalt lagbilete til 13-16 år er inkludert i prisen. (Følgekort A kr 700.- per pers)
B-kort (1200,-) Ei overnatting, middag laurdag, frukost og lunsj sundag, underhaldning laurdag og buss mellom overnattingstader og hallar. T-skjorte og medalje til 9 – 12 år, og t-skjorte og digitalt lagbilete til 13-14 år er inkludert i prisen. (Følgekort B Kr 600,- per pers)
C-kort (450,-) Underhaldning laurdag og buss mellom hallane. T-skjorte og medalje til 9 – 12 år, og t-skjorte og digitalt lagbilete til 13-16 år er inkludert i prisen.
Alle deltakarar må enten ha A, B eller C-kort. Ein leiar pr. lag går gratis.

KLASSER OG SPELETIDER

Kampform med tider per kamp:

Jenter/Gutar 9 – fødd 2017 (5-ar handball, fire ute pluss målvakt på kortbane, kunstgras) 1x15 min.
Jenter/Gutar 10 – fødd 2016 (5-ar handball, fire ute pluss målvakt på kortbane, kunstgras) 1x15 min.
Jenter/Gutar 11 – fødd 2015 (6-ar handball, fem ute pluss målvakt på stor bane) 1x20 min.
Jenter/Gutar 12 – fødd 2014 (6-ar handball, fem ute pluss målvakt på stor bane) 1x20 min.
Jenter/Gutar 13 – fødd 2013 1x25 min. Plasseringskampar: 2x15 min.
Jenter/Gutar 14 – fødd 2012 1x25 min. Plasseringskampar: 2x15 min.
Jenter/Gutar 15 - fødd 2011 1x25 min. Plasseringskampar: 2x15 min.
Jenter/Gutar 16 - fødd 2010 1x25 min. Plasseringskampar: 2x15 min.
TH-lag

SPELESYSTEM

I årsklassene 9-12 år, spelar alle mot alle. Etter NHF sine reglar kan det ikkje vere plasseringsspel i desse klassane. 9-12 år får medaljer.

I årsklassene 13-16 år er det innleiande kvalifiseringsspel, og så plasserings/sluttspel. Alle lag får minst fire kampar. Vi tek atterhald ved at nokre grupper kan bli slått saman. Pokalar til vinnar i A-sluttspel i kvar klasse. 13-16 får ikkje medaljer, men her spelast det om pokalar og så får dei eit lagbilete.

BANER OG KAMPAR

Kampane vert spelte på 4 baner med kort avstand mellom.

Bane 1: Handballhallen i Florø idrettssenter. (FIS)
Bane 2: På handballdekke i fotballhallen. (FIS)
Bane 3: På kunstgras i fotballhallen (FIS) for J/G 9 og 10 år
Bane 4: Florøhallen

LAGBILETE OG FOTOGRAFERING

Lagbilete må bestillast ved påmelding. For 9-12 år er prisen for lagbilete kr 200,-. Det er inkludert i deltakarkortet for 13-16 år. Skriv epostadresse til den som den digitale filen skal sendast til. Ta kontakt med hovudsekretariatet for time booking, når de er i Florø.

Vi har fotograf på plass under heile cupen. Disse bileta/filmklipp kan komme på webside og Facebook/Instagram-sidene våre. Dei kan og verte brukte på infoplakat for neste års Vestkystcup. Lagleiar kan reservere laget sitt mot fotografering i Profixio.

AKTIVITETER I FLORØ

Vestkystcup består av meir enn berre handball.
Vi ønskjer å tilby fleire aktivitetar som bidreg til opplevingar, meistring og ikkje minst gode minne.
I tillegg til underhaldning laurdag vil det vere små og store aktivitetar gjennom heile helga.

Kven skyt hardast på laget? Det kan du teste under.

"ÅRETS STERKASTE SKOT-ARM"

Vi har fartsmålar og kårar "Årets sterkeste skot-arm" for kvar årskull under diskoteket laurdag.

På Badeanlegget Havhesten får grupper på over 10 personar 20% rabatt.

Dersom laget eller heiagjengen vil nyte den fine naturen vi har i Florø, anbefaler vi:

Sørstrand friluftsområde
eller ein topptur opp Brandsøyåsen (Solheimfjellet)

Fleire aktivitetar blir publiserte fortløpande, så følg med!

OVERNATTING

Vi tilbyr spelarar og lagleiarar rimeleg innkvartering på skular i nærområdet. Ta med sovepose og liggeunderlag. (Ei enkel madrass pr. pers).

Vi berre nemner at vi har fått veldig gode tilbakemeldingar på måltida som er inkludert i A- og B-korta våre.

For dei som ønsker litt distanse og litt meir komfort har vi fått rabatterte priser hos nokre av hotella i byen.
Bruk Florø SK Handball som referanse så får de gode prisar.

Kinn Hotell Florø

Cupprisar på Kinn Hotell finn du her: CUPPRISAR kjem straks